NIKAAH KE MASAIL 31 SE 60

 ❁❈❁

 BISMILLAHIRRAHMANIRRAHIM
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-31}        │
       ┯┯─═─═─═─═─═─═───╯

⇛ Jin Aurto'n se Nikaah Haraam he-2

            ▩•﹏•▩•﹏•▩•﹏•▩

✪ Hurmat  Ki  Ayaate  Quran ✪

⇨ Tum  per  haraam ki gayi  he'n,

→ tumhari  Maa'en -  Tumhari  Betiya'n  aur  Tumhari  Behne  aur  Tumhari  Fufiya'n  aur  Tumhari  Khala'en  aur  Bhatijiya'n  aur  Bhanjiya'n

→ aur  Tumhari  wo  Maa'en  jinhone  tumhe  Doodh  pilaya  aur  Tumhari  wo  Behne  Jo  Dhoodh  pine  ki  Vajah  se  Behne  hui,

✪ Tumhari  Bivio'n  ki  Maa'en  aur  Tumhari  Bivio'n  ki  Betiya'n  Jo  ki  ( Aadtan )  tumhari  parvarish  me  rehti  he'n,  un  Biviyo'n  se  ho  jinse  tumne  Sohbat  ki  ho,

→Aur  agar  tumne  un  Biviyo'n  se  Sohbat  nahi  ki  ho  to  tum  per  koi  gunaah  nahi,

✪  Aur  Tumhare  un  Beto  ki  Biviya'n  Jo  ki  tumhari  Nasl  se  ho

✪ Aur  ye  k  Tum  do  Behno  ko  ek  saath ( Nikaah  me )  rakho  lekin  Jo  pehle  ho  chuka  Allah  ta'ala  bade  bakhshne  wale  aur  bade  Rehmat  wale  he'n,

✪ Aur  wo  Aurte'n  Jo  ki  Shohar  wali  he'n   Magar  Jo  ki  tumhari  mamlook  ho  jae'n,

✪ Allah  ta'ala  ne  in  tamaam  ahkaam  ko  tum  per  Farz  kar  diya,

✪ Aur  in  Aurto'n  ke  Siva  aur  tamaam  Aurte'n  tum  per  halaal  ki  gayi  he'n,

    *📓 Tarjuma -*
    *Bayanul Quran,* *Surah An-Nisa 23-24*

    *⇲ Next- 32 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 49* 
❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                  { PART-32        │
       ┯┯─═─═─═─═─═─═───╯

*⇛ Jin Aurto'n se Nikaah Haraam he-3,*

            ▩•﹏•▩•﹏•▩•﹏•▩

              *✪ Khulasa ✪*

✪ Baap  ki  Mankuha,  Maa, Bivi ki Maa, Dadi,  Pardadi,  Nani,  Parnani  se  Nikaah  Haraam  he,

✪ Beti,  Poti,  Parpoti,  Navasi,  Parnavasi,  se  Nikaah  Haraam  he,

→ Soteli  ladki  Jo  doosre  Shohar  se  ho  aur  Bivi  apne  saath  layi  ho  agar  uski  Maa  se  humbistari  hui  to  haraam  ho  gayi  varna   nahi,

✪ Haqeeqi  Behan,  Maa  shareeq,  Baap  shareeq,  Doodh  shareeq  se  Nikaah  Haraam  he,

✪ Baap  ki  aur  Maa  ki  Behne, ( Fufiya'n  aur  Khalae'n )  se  Nikaah  Haraam  he,

✪ Bhatijiya'n ( Baap  shareeq,  Maa  shareeq,  Doodh  shareeq  teeno  tarah  ke  Bhaiyo'n  ki  Betiya'n )  se  Nikaah  Haraam  he,

✪  Bhanjiya'n ( Teeno  tarah  ki  Behno  ki  Betiyo'n )  se  Nikaah  Haraam  he,

✪ Bete  ki  Bivi, (Pote, Parpote, Navase,  parnavase  ki  Biviya'n ) se  Nikaah  Haraam  he,

✪  Do  Behno  ko  ek  saath  Nikaah  me  rakhna  Haraam  he ,

✪ Jab  tak  koi  Aurat  kisi  shakhs  ke  Nikaah  me  he  Doosra  shakhs  usse  Nikaah  nahi  kar  sakta,

    *⇲ Next- 33  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 50*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-33}      │
       ┯┯─═─═─═─═─═─═───╯

*⇛ Woh  Aurte'n  Jinse  Nikaah  Halaal  he,*

            ▩•﹏•▩•﹏•▩•﹏•▩

✪ Jin  Aurto'n  ka  Pehle  Zikr  hua,  Jinse  Nikaah  Haraam  he,  unke  alawa  doosri  Aurte'n  tumhare  liye  Halaal  he,

✪ Maslan  Chacha  ki  ladki,  Khala  ki  ladki,  Mamu  ki  ladki,  Mamu v Chacha  ki  Biviya'n  unki  wafaat  ya  Talaaq  dene  ke  baad,  Moonh  Bole  bete  ki  Bivi  jab  wo  talaaq  de  de  ya  wafaat  pa  jaye,

⇛  Ba-Sharte  k  ye  Mazkoora  Aqsaam  kisi  Rishte  se  Mehram  na  ho,

✪  Bivi  ki  wafaat  ke  baad  uski  Behan  se  Nikaah  Halaal  he,

*⇲ Next- 34  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 50*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-34}        │
       ┯┯─═─═─═─═─═─═───╯

*⇛ Muta'addid  Bivio'n  me  Musawat,*

            ▩•﹏•▩•﹏•▩•﹏•▩

✪ Agar  ek  se  zyada  Bivio'n  me  Musawat ( Barabari ) aur  Adal ( insaaf )  per  Qudrat  na  ho  to  ek  hi  Bivi  per  iktfa  kiya  jaye,

✪ Ek  se  zyada  Nikaah  karna  usi  soorat  me  jaa'iz  aur  munasib  he  jabki  Shari'at  ke  mutabik  sab  Bivio'n  me  barabari  kar  sake  aur  sabke  huqooq  ka  lihaaz  rakh  sake,  agar  is  per  Qudrat  na  ho  to  ek  hi  Bivi  rakhi  jaye,

    *⇲ Next-  35 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 66*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-35}       │
       ┯┯─═─═─═─═─═─═───╯

*⇛ Bivio'n  me  Musawat  na  karna  Bada  Gunaah  he,*

            ▩•﹏•▩•﹏•▩•﹏•▩

✪ Agarche  Qurane  kareem  ne  4  Aurto'n  tak  Nikaah  me  rakhne  ki  ijazat  di  he  aur  is  had  ke  andar  Jo  Nikaah  kiye  jaenge  wo  sahi  aur  jaa'iz  honge,  lekin  muta'addid  Biviya'n  hone  ki  soorat  me  unme  Adal  aur  Musawat  qaa'im  rakhna  wajib  he  aur  iske  khilaf  karna  gunaahe  azeem  he,

✪ Rasoole  Kareem  Sallallahu  Alaihivasallam  ne  sab  Bivio'n  ke  darmiyan  puri  Musawat v Adal  ki  sakht  takeed  farmayi  he , aur  iske  khilaf  karne  per  sakht  wa'iede  sunayi  he'n  aur  khud  apne  Amal  ke  zariye  bhi  isko  wazeh  farmaya  he,

⇛ Balki  Rasoole  Kareem  Sallallahu  Alaihivasallam  to  un  maamlaat  me  bhi  musawat  farmate  the  jinme  musawat  laazim  nahi,

    *⇲ Next- 36  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 67*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-36}        │
       ┯┯─═─═─═─═─═─═───╯

*⇛ Musawat qaa'im na Karne per Wai'ed,*

            ▩•﹏•▩•﹏•▩•﹏•▩

✪  Ek  Hadees  me  Nabi  kareem  Sallallahu  Alaihivasallam  ne  irshad  farmaya  k,

" Jis  shakhs  ke  Nikaah  me  do  Aurte'n  ho  aur  unke  huqooq  me  barabari  aur  insaaf  na  kar  sake  to  wo  qayamat  me  is  tarah  uthaya  jaega  k  uska  ek  pehlu  gira  hua  hoga,

  *📓 Mishkaat, 278*

⇛ Albatta  ye  musawat  un  umooro  me  zaruri  he  jo  insaan  ke  akhtyar  me  he,  maslan  nafaqa  me  barabari,  Shab- bashi  me  barabari,

Raha  wo  Amr  Jo  insaan  ke  akhtyar  me  nahi,  maslan -qalb ( heart ) ka  milaan  kisi  ki  taraf  zyada  ho  jaye,  to  is  gair  akhtyari  maamle  me  us  per  koi  muwakhza  nahi,  basharte  k  iska  asar  akhtyari  maamlaat  per  na  pade,

⇛ Rasoole  Kareem  Sallallahu  Alaihivasallam  ne  khud  bhi  akhtyari  maamlaat  me  puri  Musawat  qaa'im  farmane  ke  saath  haq  ta'aala  ki  baargah  me  arz  kiya,

" Ya  Allah!  Ye  meri  barabari  wali  taqseem  he  un  cheezo  me  Jo  mere  akhtyar  me  he,  Ab  wo  cheez  Jo  aapke  qabze  me  he  mere  akhtyar  me  nahi  he,  us  per  mujhse  muwakhza  na  karna,

    *⇲ Next- 37  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 67*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-37}       │
       ┯┯─═─═─═─═─═─═───╯

*⇛ Hurmate Muta'a,*

            ▩•﹏•▩•﹏•▩•﹏•▩

✪ Muta'a  makhsoos  waqt  ke  liye  kiya  Jane  wala  aqd   he,  isme  na  husoole  aulaad  maqsood  hota  he , na  ghar  basaana,  na  uffat  na  asmat  aur  isliye  jis  Aurat  se  muta'a  kiya  jaye  he  uako  fareeqe  mukhalif  Zoja e Vaarisha  bhi  qaraar  nahi  deta  aur  isko  azwaaje  maroofa  ki  ginti  me  bhi  shumar  nahi  karta  aur  chiki  maqsad  mahaz  shehwat  puri  Karna  he  isliye  Mard  Aurat  aarzi  tor  per  naye  naye  jode  talash  karte  rehte  he'n, Jab  ye  soorat  he  to  Muta'a  uffat  v  asmat  ka  zamin  nahi  balki  dushman   he,

             ⇛ Hadees,

✪ Hazrat  Ali  Raziyallahu  Anhu  se  rivayat  he  k  Rasoole  Kareem  Sallallahu  Alaihivasallam  ne  Gazwa  e  Khaybar  ke  moqe  per  Aurto'n  se  Muta'a  karne  aur  paaltu  gadhe  ( donkey)  ka  gosht  khane  se  mana  farmaya  he,

     *📓 Muslim, 1/ 452*

✪ Hazrat  ibne  Abbas  Raziyallahu  Anhu  se  rivayat  he  k  Muta'a  avval  zamane  me  mashru  tha,  Yaha  tak  k  Aayate  kareema ( ila  ala  azwajahum  av  malakat  Aymanahum )  nazil  hui  to  wo ( Muta'a )  mansookh  ho  gaya,

Iske  baad  Hazrat  ibne  Abbas Raziyallahu  anhu  ne  farmaya  k  Zoja e Shari'a  aur  Mamlook e Shari'a  ke  alawa  har  tarah  ki  sharmgah  se  istmuta'a  haraam  he,

    *📓 Tirmizi,*

    *⇲ Next-  38 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 72*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-38}       │
       ┯┯─═─═─═─═─═─═───╯

*⇛ Nikaah  Mo'aqat  ka  Haraam  hona,*

            ▩•﹏•▩•﹏•▩•﹏•▩

✪ Nikaah  Muta'a  ki  tarah  Nikaah  Mo'aqat  bhi  Haraam  aur  Batil  he,

✪ Nikaah  Mo'aqat  ye  he  k  ek  muqarrar  muddat   ke  liye  Nikaah  kiya  jaye,  aur  in  dono  me  farq  ye  he  k  Muta'a  me  lafze  muta'a  bola  jata  he  aur  Nikaah  Mo'aqat  lafze  Nikaah  se  hota  he,

    *📓 Fatawa Aalamgeer, 1/282*

    *⇲ Next- 39  🔜 in sha Allah ta'aala,*

    *📓 Izdwaji Zindgi ke Shara'i Masail aur Unka Hal, 73*

❈❁❈❁❈❁❈❁❈❈❁❈❁❈❁❈❁

   ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-39}        │
       ┯┯─═─═─═─═─═─═───╯

*⇛ Bivi  Ka  Doodh  pina  Haraam  He,*

            ▩•﹏•▩•﹏•▩•﹏•▩

✪ Bivi  ka  doodh  pina  Shohar  ke  liye  haraam  he  lekin  agar  kisi  ne  pi  liya  he ( Jaan  bujhkar  ya  bila  jaan  bujhkar) to  us  per  laazim  he  k  isse  tauba  kare,  Halanki  isse  Nikaah  per  asar  nahi  padega,  Nikaah  ba -
dastoor  qaa'im  rahega,

  *📓 Ba- Hawala Durre Mukhtar, 3/211*

✪ Agar  Bivi  ke  Pistaan  me  doodh  na  ho  to  Pistaan  moonh  me  Lena  jaa'iz  he,  isme  koi  gunaah  nahi,  Halanki  doodh  moonh  me  aane  ka  andesha  bhi  ho  to  isse  bachna  chahiye,

    📓 Ba- Hawala Durre Mukhtar, 3/325*

    *⇲ Next- 40  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 74*

❈❁❈❁❈❁❈❁❈❈
❁❈❁❈❁❈❁

   ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-40}       │
       ┯┯─═─═─═─═─═─═───╯

     *⇛ Zina  Haraam  he,*

            ▩•﹏•▩•﹏•▩•﹏•▩

✪ Zinakari  Shar'an v   Aqlan  bada  kabih  fayl ( kaam ) he,  isliye  shari'at  mutahara  ne  isko  sakht  haraam  qaraar  diya  he,  Balki  boso kinaar,  bad nazri,  be pardgi  vagera  Jo  zina  ke  asbaab  he'n  unko  bhi  haraam  qaraar  diya  he,
✪

وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا

✪ Tarjuma :-

Zinakari  ke  qareeb  bhi  mat  fatko  bila  Shubha  wo  badi  behayai ( ki  baat) he  aur  buri  raah  he,
  
    *📓 Surah Bani israiyl, 32*

    *⇲ Next-  41 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 75*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   * PART-41}       │
       ┯┯─═─═─═─═─═─═───╯

*⇛ Mazina  ( Zinakaari )  se  Nikaah,*

            ▩•﹏•▩•﹏•▩•﹏•▩

✪ Agar  kisi  ladki  se  ye  haraam  kaam (% zina )  sarzad  hua  to  Shariyat  ka  hukm  ye  he  k  usko  Haakime  waqt  kode  ki  saza  de  aur  dono  tauba  bhi  kare,

✪ Agar  islami  hukumat  na  hone  ki  Vajah  se  ya  mulk  me  ye  Qanoon  nafiz  na  ho  ya  Qanoon  nafiz he  aur  kode  ki  saza  de  di,  Baad  me  aapas  me  dono  shadi  karna  chahe  to  shar'an  iski  ijazat  he,  balki  agar  zina  ki  Vajah  se  hamal  bhi  thehar  gaya  ho  tab  bhi  zaani  ke  liye  haalate  hamal  me  bhi  apni  mazina  se  Nikaah  karna  jaa'iz  he,

✪ Doosre  ki  mazina  se  bhi  haalate  hamal  me  Nikaah  jaa'iz  he  lekin  vaza'a  hamal  tak  humbistari  jaa'iz  nahi,

⇛ Jabki  apni  mazina  se  Nikaah  ki  soorat  me  vaza'a  hamal  se  pehle  bhi  humbistari  jaa'iz  he,

    *📓 Ba- Hawala Durre Mukhtar, 3/48*

    *⇲ Next- 42  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 75*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-42}        │
       ┯┯─═─═─═─═─═─═───╯

*⇛ Mazina  ki  Beti  se  Nikaah  jaa'iz  nahi,*

            ▩•﹏•▩•﹏•▩•﹏•▩

✪ Jis  Aurat  se  zina  kiya  ho ya  na-jaa'iz  tor  per  Boso  kinaar  kiya  ho , Uski  ladki  se  Nikaah  Haraam  aur  Baatil  he,  Chahe  ladki  zani  ke  nutfe  se  ho  ya  na  ho,  Ab  agar  zani  shakhs  mazina  ki  ladki Bivi  ke  tor  per  rakhta  he  to  zani  hi  kehlaega,

⇛ Aulad  agar  payda  ho  to  wo  bhi  haraami  nasal  hogi,  Aziz  o  aqarib  aur  digar  ba-asar  logo  per  laazim  hoga  k  ese  badkaar  shakhs  se  maashrati  boycott  kare,

   *📓 Ba- Hawala Durre Mukhtar, 3/32*

    *⇲ Next- 43  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 75*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-43}        │
       ┯┯─═─═─═─═─═─═───╯

*⇛ Mazina  ki  Maa  se  Nikaah  Haraam  he,*

            ▩•﹏•▩•﹏•▩•﹏•▩

✪ Jis  Aurat  se  zina  kiya  ho  ya  na-jaa'iz  Boso  kinaar  hua  ho,  uski  Maa  se  Nikaah  karna  haraam  he,

⇛ Kyuki  zina  ki  Vajah  se  Hurmate  Musahrat  saabit  hoti  he  Yani  zani  ke  liye  Mazina  ki  Beti,  Nawasi  vagera  aur  Mazina  ki  Maa,  Nani  vagera  aur  Mazina   ke  liye  zani  ka  Baap  ya  Beta  sabse  Nikaah  Haraam  ho  jata  he,

   *📓 Hindiya, 1/275*

    *⇲ Next- 44  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 77*

❈❁❈❁❈❁❈❁❈❈❁❈❁❈❁❈❁

   ❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-44}       │
       ┯┯─═─═─═─═─═─═───╯

*⇛ Ahle  Kitaab (Eysai Yahudi ) Aurat  se  Nikaah  Ka  Hukm, -1*

            ▩•﹏•▩•﹏•▩•﹏•▩

✪ Jo  Eysai  ya  Yahudi  Allah  ta'ala  ke  vajood  ke  qaa'il  ho  aur  Asmaani  kitaabo  me  kisi  ek  Kitaab  Toraat,  Inzeel,  Zaboor  vagera  ko  maanta  ho,  Kisi  Pegambar  per  Eymaan  ka  Daavedar  ho,  Esi  Aurat  se  fi nafsa  Nikaah  jaa'iz  he,

Ba-sharte  k  Nikaah  Shara'i  tareeqe  per  2  gawaho  ke  saamne  ho  aur  wo  Aurat  Paak  daaman  ho,

✪
ْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍَ

⇛ Yani  tumhare  liye  Musalman  paak  daaman  Aurat  se  Nikaah  halaal  he  isi  tarah  Ahle  kitaab  ki  Afeef  aur  Paak  daaman  Aurato'n  se  bhi  Nikaah  halaal  he,

   *📓 Tarjuma-Ahkamul Quran, Surah Ma'eda, 5*

    *⇲ Next-  45 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 77*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-45}        │
       ┯┯─═─═─═─═─═─═───╯

*⇛ Ahle  kitaab ( Eysai, Yahudi ) Aurat  se  Nikaah  Ka  Hukm, -2*

            ▩•﹏•▩•﹏•▩•﹏•▩

✪  Hazrat  Mufti  Shafi  Sahab  Rh. Tehreer  farmate  he'n  k,

" Jamhoor  Sahaba  ikraam  Raziyallahu  Anhum  v Taba'yn  Rh.  Ke  nazdeek  agarche  Quran  kareem  ke  mutabiq  Ahle  kitaab ( Eysai, Yahood vagera) ki  Aurto'n  se  Nikaah  fi nafsa  halaal  he

lekin  unse  Nikaah  karne  per  Jo  doosre  mufasid  aur  kharabiya'n  apne  liye  aur  apni  Aulad  ke  liye  balki  puri  Ummat e Muslima  ke  liye  Tajurbe  ke  mutabiq  laazmi  tor  per  payda  hongi,

⇛ Unki ( Sahaba  ikraam  Raziyallahu  Anhum  aur  Taba'yn  Rh  ki )  bina  per  Ahle  kitaab  ki  Aurto'n  se  Nikaah  ko  wo  bhi  Makrooh  samajhte  the, "

    *📓 Maarful Quran,*

    *⇲ Next- 46  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 77*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-46}        │
       ┯┯─═─═─═─═─═─═───╯

*⇛ Ahle  kitaab ( Eysai, Yahudi ) Aurat  se  Nikaah  Ka  Hukm, -3*

            ▩•﹏•▩•﹏•▩•﹏•▩

✪ Hazrat  Huzefa  bin  Yamaan  ko  Hazrat  Umar  Raziyallahu  Anhu  ka  Khat ✪

⇛ Hazrat  Huzefa  bin  Yamaan  Raziyallahu   Anhu  Jab  Mada'in  pahunche  to  waha  ek  Yahudi  Aurat  se  Nikaah  kar  liya,

Hazrat  Farooqe  Aazam  Raziyallahu  Anhu  ko  iski  ittela  mili  to  unko  khat  likha  k  usko  talaaq  de  do,

Hazrat  Huzefa  Raziyallahu  Anhu  ne  Jawab  me  likha  k

" Kya  wo  mere  liye  haraam  he?"

To  Fir  Hazrat  Farooqe  Aazam  RaZ.  ne  tehreer  farmaya  k,

" Mene  Haraam  nahi  kaha,  lekin  in  logo  ki  Aurto'n  me  aam  tor  per  Uffat v Paak  daamani  nahi  he,

Isliye  mujhe  khatra  he  k  Aap  logo  ke  gharane  me  is  raaste  se  Fahash v Badkaari  dakhil  na  ho  jaye, "

      *📓 Ahkamul Quran,*

✪ Hazrat  Muhammad  bin  Hasan  Rh . ne  is  waaq'e  ko  ba-rivayat  Imaame  Aazam  Hazrat  Abu  Hanifa  Rh.  is  tarah  naqal  kiya  he  k,

Doosri  martaba  jab  Hazrat  Farooqe  Aazam  Raz.  ne  Hazrat  Huzefa  Raz.  ko  khat  likha  to  uske  alfaz  ye  the,:-

" Yani  Aapko  qasam  deta  hu'n  k  mera  ye  khat  apne  haath  me  rakhne  se  pehle  hi  usko  talaaq  dekar  azaad  kar  do,

Kyuki  mujhe  ye  khatra  he  k  doosre  musalman  bhi  Aapki  iqtida  karenge  aur  Ahle  kitaab  ki  Aurto'n  ko  unke  Husno  Jamaal  ki  Vajah  se  musalman  Aurto'n  per  tarjeeh  denge,  To  Musalman  Aurto'n  ke  liye  isse  badi  musibat  aur  kya  hogi,? "

   *📓 Kitabul  Asaar, 56*

    *⇲ Next- 47  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 78*

❈❁❈❁❈❁❈❁❈❈❁❈❁❈❁❈❁

  ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-47}       │
       ┯┯─═─═─═─═─═─═───╯

*⇛ Ahle  kitaab ( Eysai, Yahudi ) Aurat  se  Nikaah  ka  Hukm, -4*

            ▩•﹏•▩•﹏•▩•﹏•▩

✪ Zahir  he  k  in  logo ( Yahood v Eysai )  ki  Aurte'n  musalmano  per  kisi  tarah  halaal  nahi  aur  bil  farz  apne  mazhab  ki  paaband  bhi  ho  to  unko  kisi  musalman  gharane  me  jagah  dena  apne  pure  khandan  ke  liye  deeni  aur  duniyavi  tabahi  ko  Dawat  dena  he,

✪ Al garaz  Quran v sunnat  aur  Asva'e  Sahaba   ikraam  ki  ru  se  musalmano  per  laazim  he  k  Aajkal  ki  kitaabi  Aurto'n  ko  Nikaah  me  lane  se  kulli  parhez  kare,

✪ Aakhir  aayat  me  ye  hidayat  bhi  kar  di  gayi  he  k  Ahle  kitaab  ki  Aurto'n  ko  agar  rakhna  hi  he  to  baqa'ida  Nikaah  karke ( Unko  islaam  me  lekar ) Bivi  ki  haysiyat  se  rakhe,  unke  huqooq  Mahar  vagera  Ada  kare,  Unko  daasta  ke  tor  per  rakhna  aur  khule  tor  per  badkari  karna  ye  sab  cheeze  haraam  he'n,

    *⇲ Next-  48 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 79*

❈❁❈❁❈❁❈❁❈❈❁❈❁❈❁❈❁

   ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-48}        │
       ┯┯─═─═─═─═─═─═───╯

*⇛ Hindu  Aurat  se  Nikaah  jaa'iz  nahi,*

            ▩•﹏•▩•﹏•▩•﹏•▩

✪ Koi  bhi  mushrik,   Butparast,  Hindu,  Sikh,  Budhmat  vagera  ke  maanne  wali  se  Musalman  Mard  ka  Nikaah  Haraam  he,

Jab  tak  wo  baqa'ida  tor  per  deen  e  islaam  ko  qubool  karke  musalman  na  ho  jaye,   Ek  musalman  ke  liye  unse  Nikaah  hargiz  jaa'iz  nahi,

⇛ " Aur  mushrik  Aurat  se  Nikaah  mat  Karo  jab  tak  Eymaan  na  le  aaye, "

  *📓Surah  Al-Baqrah, 221*

    *⇲ Next-  49 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 80*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-49}       │
       ┯┯─═─═─═─═─═─═───╯

*⇛ Gair  Muslim  Mard  se  Nikaah  Haraam  he,*

            ▩•﹏•▩•﹏•▩•﹏•▩

✪  Kitaabiya  Aurat  se  Nikaah  ka  jawaz  to  baaz  shara'it  se  saabit  he  Jiski  Tafseel  pehle  guzar  chuki  he,

Lekin  kisi  Musalman  Khatoon  ka  Nikaah  Gair  Muslim  Mard  se  chahe  wo  Kitaabi  ho  ya  Gair  Kitaabi,  Kisi  haal  me  halaal  nahi,

⇛ isliye  iska  khoob  khayal  rakhna  laazim  he,

*📓 Ba- Hawala Hindiya, Bidaya,*

    *⇲ Next- 50 🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 80*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-50}       │
       ┯┯─═─═─═─═─═─═───╯

*⇛ Qaadyani  Aurat  se  Nikaah  ka  Hukm,*

            ▩•﹏•▩•﹏•▩•﹏•▩

✪ Hazrat Muhammad Mustafa Sallallahu Alaihivasallam Allah ta'ala ke Aakhri paygambar he'n, Aapke baad koi  naya Nabi  nahi aaega , Aap Sallallahu Alaihivasallam ke baad Jo bhi Nabuwat ka daava karega wo jhoota hoga, Ye Aqeeda rakhna tamaam musalmano per Farz he,

✪ Lihaza Mirza Gulaam Ahmad Qaadyani ka daava e nabuwat jhoota he, Is daave me usne Quran v hadees ke un tamaam saryh nusoos ka inkaar kiya jinse khatme nabuwat ke Aqeedae saabit he'n,

✪ Lihaza Mirza Gulaam Ahmad Qaadyani Murtad, Kaafir, Daayra e islam se khaarij he, Ab Jo sakhsh bhi Mirza Gulaam ko Nabi tasleem karta he wo bhi Daayra e islam se khaarij he,

⇛ isliye usse Nikaah ka Rishta qaa'im karna jaa'iz nahi, Usko ladki dena ya ese ki ladki ko apne Nikaah me laana dono haraam he,

    *⇲ Next- 51  🔜 in sha Allah ta'aala,*

     *📓 Izdwaji Zindgi ke Shara'i Masail aur Unka Hal, 80*

❈❁❈❁❈❁❈❁❈❈❁❈❁❈❁❈❁

    ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ *IKAAH  KE  MASAIL
       ╰┉─════─┉─════─┉┉╮
                   { PART-51}       │
       ┯┯─═──═─═─═─═───╯

*⇛ Shiyaa  Aurat  aur  Mard  se  Nikaah,*

            ▩•﹏•▩•﹏•▩•﹏•▩

✪ Jo  sakhsh  Hazrat  Ali  Raziyallahu  Anhu  ki  khudayi  ka  qaa'il  ho  ya  Qurane  kareem  ko  Tehreef  shuda  maanta  ho,  Ya  Ummul  momineen  Hazrat  Aayesha  Raziyallahu  Anha  per  zina  ki  tohmat  rakhta  ho  Ya  Hazrat  Abu  Bakar  Siddiq  Raziyallahu  Anhu  ki  Sahabiyat  ka  munkir  ho,  Ya  Hazrat  Jibra'iyl  Alaihissalam  ki  wahi  laane  me  galti  ka  aqeeda  rakhta  ho,  Ya  koi  aur  Kaafirana  aqeeda  rakhta  ho,  Wo  kaafir  he,  Daayra e islam  se  khaarij  he,

⇛ Lihaza  agar  koi  Shiya  ladki  in  aqaa'id  ki  haamil  ho  to  usse  Sunni  musalman  Ka   Nikaah  halaal  nahi,

⇛ Agar  kufriya  aqaa'id  na  rakhti  ho  to  fi nafsa  Nikaah  mun'aqd  ho  ja'ega  fir  bhi  usse  Nikaah  se  Mard  ke  aqeeda  kharaab  ho  Jane  ka  zyada  andesha  he,  isliye  isse   bachna  laazim  he,

Ba- Hawala, Durre Mukhtar, 3/46, Al Bahrur Ra'iq, 3/121

★ Agar  koi  Shiya  kufriya  aqaa'id  rakhta  he  to  uske  saath  Sunni  Ladki  ka  Nikaah  Kaafir  hone  ki  Vajah  se  mun'aqd  nahi  hoga,

→ Aur  agar  Kufriya  aqaa'id  na  rakhta  ho  tab  bhi  wo  mubtda'a  aur  Faasiq  he,  Us  Sunni  Ladki  ka  Nikaah  nahi  ho  sakta  kyuki  wo  Faasiq  hone  ki  Vajah  se  Sunni  Ladki  ka  Kafu  nahi,

*Aalamgiri, 1/Kitabun Nikaah,*

*⇲ Next- 52  in sha Allah ta'aala,*

     *Izdwaji Zindgi ke Shara'i Masail aur Unka Hal, 82-83*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-52}        │
       ┯┯─═─═─═─═─═─═───╯

*⇛ Gair  Muqallid  se  Nikaah,*

            ▩•﹏•▩•﹏•▩•﹏•▩

✪  Jo ladki Aqidah e Ahle Sunnat val Jama'at ki haamil aur Fiqah ko maanne wali khususan Imaam Abu Hanifa Rh ke maanne wali ho uska Nikaah Gair Muqallid ( Ba qoal khud Ahle hadees) ladke se fi nafsa mun'aqd ho jata he, Kyuki wo bhi Muslim he,

fir bhi esi jagah Rishta karne me amuman khandano ke aapas me ikhtilaf payda ho jata he, Kyuki Ahadees ki roshni me Mard v Aurat ki Namaz me 13 maqamaat me farq he, aur bhi kai buniyadi masail he'n  Jinme Ahle sunnat aur Gair Muqallideen ka ikhtilaf he,

⇛ To unke yaha'n Shadi ki soorat me Mard aur uske khandan wale ladki ko unke masail me Gair Muqallideen ki per I karne per majboor karte he'n, Jisse aapas me na chaqi payda hoti he, isi tarah baaz digar masail me bhi tashaddud karte he'n,

⇛ isliye unko ladki dene se hattal imkaan ahatraaz kiya jaye,

    *⇲ Next- 53  in sha Allah ta'aala,*

     *Izdwaji Zindgi ke Shara'i Masail aur Unka Hal, 84*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-53}        │
       ┯┯─═─═─═─═─═─═───╯

*⇛  Gair Muslim ka quboole islam aur uska Nikaah,*

            ▩•﹏•▩•﹏•▩•﹏•▩

✪ Agar koi kaafira Aurat islam qubool kare, to agar wo Aurat esi ho k uska koi shohar nahi, to usse fora Nikaah durust he,

⇛ Agar uska Shohar mojood he to fir uska hukm ye he k agar wo bhi musalman ho jaye tab to ba dastoor ye Aurat uski Bivi rahegi, dono ka Nikaah barqarar he,

⇛ Agar Shohar islam qubool karne se inkaar kare to unme tafreeq kar di jaye, Ye tafreeq ba hukm Talaaq hogi,

✪ Agar ye Aurat Darul Harb me ho to islam qubool karne ke waqt se teen haiz guzaar kar uska Nikaah khatm hoga,  Agar haamla ho to vaza hamal per uska Nikaah khatm hoga, uske baad iddat guzaar kar Nikaah karna chahiye, Yahi ahoot he,

*Ba- Hawala, Durre Mukhtar, 3/188*

✪ Agar Aurat islam qubool karke Darul Harb se Darul islam hijrat karke aa jaye to Darul islam me dakhil hote hi uska Nikaah khatm ho jayega,  is per vajoob e iddat me ikhtilaf he, qoal e vajoob arjah aur ahoot he,

*Ba- Hawala, Durre Mukhtar, 3/193*

    *⇲ Next- 54  in sha Allah ta'aala,*

     *Izdwaji Zindgi ke Shara'i Masail aur Unka Hal, 85*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-54}        │
       ┯┯─═─═─═─═─═─═───╯

*⇛ Nav Muslima ke liye Kaafir Shohar ke Nikaah se nikalne ka Tareeqa,*

            ▩•﹏•▩•﹏•▩•﹏•▩

✪ Agar koi kaafir Aurat islam qubool kare to asal Hukm to yahi he k uske Shohar per islam pesh kiya jaye, Agar qubool kare to dono ka Nikaah barqarar rahega, Agar inkaar kare ya khamoshi akhtyar kare to qazi unme tafreeq kar de to ye tafreeq ba-hukm talaaq hogi, aur iske baad iddat waajib hogi,

✪ Lekin agar Shohar per islam pesh karne me mushkilaat ho ya isme shadeed khatra he, Esi majboori ki soorat me kaafir Shohar se khalasi haasil karne ke liye Mazhab Shafai per amal karne ki gunzaish he,

✪ Unke yaha ( Shafai ) Aurat ke quboole islam ke baad Shohar ke islam qubool karne se pehle agar Aurat ki iddat guzar jaye to Nikaah fasikh ho jata he aur uske baad foran doosra Nikaah ho sakta he,

✪ Shohar ke islam qubool karne ke baad doosri iddat ki zarurat nahi,

*Ahsanul fatawa, 5/28*

✪ Hazrat Maulana Mufti Taqi Usmani Sahab likhte he'n,
K Agar mulki qanoon me koi esa tareeqa mojood na ho jiske zariye Shohar ko Adalat me bulakar us per islam pesh kare, to is soorat me iddat guzaar kar doosri jagah Nikaah ki gunzaish hogi,

*Fatawa Usmani, 2/ 266*

    *⇲ Next-55   in sha Allah ta'aala,*

     *Izdwaji Zindgi ke Shara'i Masail aur Unka Hal, 86*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                    PART-55}        │
       ┯┯─═─═─═─═─═─═───╯

*⇛ Teliphone per Nikaah ka Hukm,*

            ▩•﹏•▩•﹏•▩•﹏•▩

✪ Nikaah me chunki ye zaruri hota he k 2 gawaah majlise Nikaah me haazir ho aur iyjaab v qubool dono sune, isliye Teliphone per Nikaah durust nahi hota,

✪ Agar doosre Shahar Ya Mulk me Nikaah karna ho to iska sahi tareeqa ye he k us Shahar me ( Yani jisme Ladki he ) kisi shakhs ko apne Nikaah ka Vakeel muqarrar kare, Vakeel uski taraf se doosre fareeq ke saath gawaho ki mojoodgi me iyjaab v qubool Kare, is tarah Nikaah sahi ho jayega,

*Fatawa Usmani, 2/304*

    *⇲ Next- 56  in sha Allah ta'aala,*

     *Izdwaji Zindgi ke Shara'i Masail aur Unka Hal, 97*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-56}        │
       ┯┯─═─═─═─═─═─═───╯

*⇛ Tehreeri Nikaah ka Hukm,*

            ▩•﹏•▩•﹏•▩•﹏•▩

✪ Tehreer ke zariye bhi Nikaah ho sakta he, magar ye zaruri he k tarfeen me se ek ki jaanib se Nikaah ke qubooliyat ka zabani izhaar ho aur sirf ek hi tarah se Tehreer ho,

✪ Qubuliyat ka izhaar 2 gawaaho ke saamne kiya jaye, aur wo Tehreer bhi un gawaho ke saamne padhkar suna di jaye,

⇛ Maslan Zaid Hindah ko likhe k mene tumse ek Tola Sona Mahar per Nikaah kiya, Hindah ke paas jab ye Tehreer pahunche to wo avval 2 gawaaho ko talab kare, Unko ye Tehreer suna de aur fir unke saamne kahe k me ise qubool karti hu'n, Ab Nikaah mun'aqd ho jayega,

⇛ Agar Hindah Tehreer padh kar gawaho ko na sunaye balki sirf apni qubooliyat ka izhaar unke saamne kare ya zabani izhaar ki bajaye sirf Tehreer likh de, aur usi per gawaho ke dastkhat karaye, ya gawaho ke dastkhat bhi na karaye, in tamaam soorato me Nikaah na ho sakega,

*Khulasa Fatawa Ashrafi,*

    *⇲ Next- 57  in sha Allah ta'aala,*

     *Izdwaji Zindgi ke Shara'i Masail aur Unka Hal, 97*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-57}        │
       ┯┯─═─═─═─═─═─═───╯

*⇛ Nikaah ke Waqt Waldiyat galat batana,*

            ▩•﹏•▩•﹏•▩•﹏•▩

✪ Baaz log doosre ki Aulaad ladka ya ladki lekar parvarish karte he'n, Ab kisi jagah unki waldiyat batani pade to apni taraf mansoob kar dete he'n,
( Yani apna naam bata ya likha dete he'n)

⇛ Nikaah ke waqt bhi ye maamla pesh aata he to hukm ye he k apni waldiyat hamesha apne asal waalden ki batani chahiye, Sotele baap ki taraf nisbat karna jaa'iz nahi, Hadees me is per sakht wa'ied aayi he,

⇛ Lekin agar Nikaah ke waqt galat waldiyat bata di gayi magar Aurat ya uska Vakeel Jaanta tha, k isse muraad konsa Mard he ya konsi Aurat he to Nikaah durust ho jayega,

✪ Rasulullah Sallallahu Alaihivasallam ne irshad farmaya k,

" Jisne apne Baap ke alawa kisi gair ki taraf nisbat ki halanki wo jaanta he k uska Baap koi aur he, Us per jannat Haraam he, "

*Ravaah Bukhari v Muslim v Abu Daoud v ibne maaja, Targeeb v Tarheeb, 3/75*

    *⇲ Next- 58  in sha Allah ta'aala,*

     *Izdwaji Zindgi ke Shara'i Masail aur Unka Hal, 98*

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-58}       │
       ┯┯─═─═─═─═─═─═───╯

*⇛ Galti se Ladki ka Naam Badal gaya,*

            ▩•﹏•▩•﹏•▩•﹏•▩

✪ Agar galti se Nikaah ke waqt naam badal gaya maslan Zenab bint Bakar ka naam Khalida bint Bakar keh diya ya Zenab bint Umar keh diya vagera, ab Agar shadi ke gawaah ladki ko pehchante ho k fala'n Zenab bint Bakar ka hi nikaah ho raha he, Ya wo ladki majlise Nikaah me khud mojood he aur uski taraf ishara karke Nikaah padhaya aur gawaah bhi pehchan rahe he'n k isi ladki ka Nikaah ho raha he, To naam galat batane ke bavjood ye Nikaah mun'aqd ho jayega,

⇛ Aur agar ladki majlise Nikaah me mojood na ho aur na hi uski taraf ishara hua aur gawaaho ko mutaiyan tor per maloom nahi k fala'n Zenab bint Bakar hi ka Nikaah ho raha he, in sab soorto me Nikaah mun'aqd na hoga, dobara shara'it ke saath Nikaah padhana zaruri he,

    *⇲ Next- 59  in sha Allah ta'aala,*

     *Izdwaji Zindgi ke Shara'i Masail aur Unka Hal,99*

❈❁❈❁❈❁❈❁❈❈❁❈❁❈❁❈❁

 ❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-59}        │
       ┯┯─═─═─═─═─═─═───╯

*⇛ Goonge Ke Nikaah ka Tareeqa,*

            ▩•﹏•▩•﹏•▩•﹏•▩

✪ Goonge ka Nikaah is tarah padhaya jayega k do gawaho ki mojoodgi me Goonge se Nikaah qubool karne ka ishara kara diya jayega, Jisse iyjaab qubool mafhoom ho,

⇛ Aur sunne walo ko iski muraad maloom ho jaye, Yani usse talaffuz bhi karwaya jaye,

    *⇲ Next-  60 in sha Allah ta'aala,*

     *Izdwaji Zindgi ke Shara'i Masail aur Unka Hal,*
 

❈❁❈❁❈❁❈❁❈❈❁❈❁❈❁❈❁

❁❈❁

*BISMILLAHIRRAHMANIRRAHIM*
     ┄ ┅ ━══════════════━ ┅ ┄

       ╭┉─════─┉─════─┉╯
       │ NIKAAH  KE  MASAIL
       ╰┉─════─┉─════─┉┉╮
                   { PART-60}        │
       ┯┯─═─═─═─═─═─═───╯

*⇛ Tajdeed Nikaah kab laazim he*

            ▩•﹏•▩•﹏•▩•﹏•▩

✪ Baaz alfaz kufriya hote he'n, Kabhi qasdan aur kabhi la ilmi me ya kabhi gusse me ese alfaz moonh se nikal jaye, maa'ani v matlab ke lihaaz se Ulma ke nazdeek uska qaail kaafir thehre,

✪ isi tarah Rasulullah Sallallahu Alaihivasallam ki kisi Sunnat ki qasdan toheen ki jisse wo shakhs tehqeeq haal ke baad kaafir thehra,

✪ Ya koi aur esa masla pesh ho jiski vajah se Ulema muhaqqeen ne us shakhs ke kaafir ka fatwa saadir farmaya,

⇛ Esa shakhs agar apni nazeba harkat aur fayl se tauba kare aur islaam me dakhil ho jaye to us per laazim hoga k tajdeed imaan ke saath tajdeed Nikaah bhi kare,

⇛ Aur jis masle me ikhtilaf ho k isse kufr saadir hua ya nahi hua, waha ahatyatan tajdeed imaan v tajdeed Nikaah ka hukm kiya jata he,

*Fatawa Alamgeer, 2/283*

    

⇲ Next- 61  in sha Allah ta'aala,

  

   *Izdwaji Zindgi ke Shara'i Masail aur Unka Hal,

❈❁❈❁❈❁❈❁❈❈❁❈❁❈❁❈❁

   ╭─────╮✍🏻╭────╯
   │  ℳ. ABRAR MALIK
   ╰────────JOIN────╮
              AHLE DEOBAND│
                ╭──────────╯
                │℡ +91-9720702010
                ╰─────╯╰─────────╮
      ⌊﹁﹁﹁﹁﹁﹁﹁﹁﹁﹁⌋

    ​ʀєαd,ғσʟʟσɯ αɳd ғσʀɯαʀd,
     ︶︶︶︶︶︶︶︶︶︶︶︶

❁❈❁