❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-61} │
┯┯─═─═─═─═─═─═───╯
⇛ Tajdeed e Nikaah ka Tareeqa,
▩•﹏•▩•﹏•▩•﹏•▩
✪ Chunki shar'an har Nikaah me Gawaho ka mojood hona zaruri he, aur Mahar bhi laazim hota he, isliye Tajdeed e Nikaah ke waqt ye Tareeqa akhtyar kiya ja sakta he k
agar Shohar ke paas gunzaish he to naye Mahar ke tor per kuchh muqarrar kare
ya gunzaish nahi to Bivi Shohar ko Mahar ka kuchh hissa Hadiya kar de aur Shohar ko is naye Nikaah ka vakeel bhi bana de,
✪ Fir Shohar Do gawaho ki mojoodgi me baqa'ada qubool kare,
✪ Alfaz is tarah istemal kare k " Fala'n bint Fala'n ko itne Mahar ke avaz me apne Nikaah me laya "
⇛ Aur dono gawaah is majlis ko majlise Nikaah samjhe aur Nikaah ko haqeeqat per hi mamool kare,
⇛ Yani wo dono gawaah ye samjhe k in dono Miya Bivi ke darmiyan naya Nikaah ho raha he, Sirf mazaaq ya dillagi na samjhe varna Nikaah mun'aqd na hoga,
-Wallahu Ta'ala Aalam-
⇲ Next- 62 in sha Allah ta'aala,
Izdwaji Zindgi ke Shara'i Masail aur Unka Hal, 101
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-62} │
┯┯─═─═─═─═─═─═───╯
⇛ Khutba e Nikaah Sunna Waajib he,
▩•﹏•▩•﹏•▩•﹏•▩
✪ Nikaah se pehle Jo Khutba padha jata he, isi tarah jab taqreer se pehle jab Khutba Masnoona padha ja raha ho, is dauran Haazreen ka aapas me baat cheet karna jaa'iz nahi, balki Khutba sunna Waajib he,
✪ is dauran baat cheet karne wale gunahgaar honge, Tauba laazim he,
✪ Is zamane me log isme bahut gaflat karte he'n, Koi dulha ko dekh raha hota he aur koi to sheerni ki fikr me he, koi Milne julne walo ke Khush gappiyo me mashgool he,
⇛ isliye is Masle ki isha'at karni chahiye k Nikaah ka Khutba bhi gor se sine, is dauran khamoshi akhtyar kare,
⇲ Next- 63 in sha Allah ta'aala,
Izdwaji Zindgi ke Shara'i Masail aur Unka Hal, 102
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-63} │
┯┯─═─═─═─═─═─═───╯
⇛ Do Eido'n ke darmiyan Nikaah bila Shubha Jaa'iz he,
▩•﹏•▩•﹏•▩•﹏•▩
✪ Baaz logo me ye galat baat chal padi he k Dono Eido'n ke darmiyan Nikaah jaa'iz nahi, Ye bilkul be-asal baat he,
✪ Jamhoor Ummat ke nazdeek dono Eido'n ke darmiyan Nikaah jaa'iz he,
✪ Khud Aap Hazrat Sallallahu Alaihivasallam ka Nikaah Hazrat Siddiqa Raziyallahu Anha se Shawwal ke mahine me hua,,
Ba- Hawala Mishkaat, 2/271
⇲ Next- 64 in sha Allah ta'aala,
Izdwaji Zindgi ke Shara'i Masail aur Unka Hal, 103
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-64} │
┯┯─═─═─═─═─═─═───╯
⇛ Ba waqte zarurat doosri Shadi waajib he,
▩•﹏•▩•﹏•▩•﹏•▩
✪ Agar pehli Bivi ka inteqaal ho gaya ya Talaaq ho gayi aur Nafs me Shadi ka taqaza mojood he,
Aur Shadi per qudrat haasil he yani naan nafqa bardast kar sakta he to esi soorat me doosra Nikaah karna waajib he, Aur iske tark se gunahgaar hoga,
⇲ Next- 65 in sha Allah ta'aala,
Izdwaji Zindgi ke Shara'i Masail aur Unka Hal, 104
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-65} │
┯┯─═─═─═─═─═─═───╯
⇛ Nikaah nifli ibaadat se Behtar he,
▩•﹏•▩•﹏•▩•﹏•▩
✪ Jo shakhs Bivi ke naan nafqa ki taaqat rakhta ho, aur haalate a'atdaal me ho, uske liye nifli ibaadat me mashgool rehna Shadi ko tark karna afzal he?
ya k Shadi karna afzal he?
⇛ is baare me Fuqha e Hanfiya ki raay yahi he k ese shakhs ke liye Nikaah karna nifli ibaadat me mashgool rehne se afzal aur behtar he,
Ba- Hawala, Sharah Bidayatul Mubtdi , 3
⇲ Next- 66 in sha Allah ta'aala,
Izdwaji Zindgi ke Shara'i Masail aur Unka Hal, 104
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-66} │
┯┯─═─═─═─═─═─═───╯
⇛ Court Marriage, ( Adalati Nikaah )
▩•﹏•▩•﹏•▩•﹏•▩
✪ Islam me Shadi ka pasandida tareeqa ye he k Walden sarparast hazraat Rishta tay kare'n, aur Elaaniya tor per Shadi ho, Walden ki Razamandi se ho,
✪ iske bar khilaf aaj ke daur me bahut se ladke ladkiya'n, Walden ko be khabar rakh kar khud Nikaah kar lete he'n, iske liye Adalat ka sahara lete he'n k humne Court Marriage ( Adalati Nikaah) kiya,
✪ Adalati Nikaah ka Hukm ye he k agar gawaho'n ki mojoodgi me ba-qa'ada iyjaab o qubool ke alfaz nahi kehalwaye balki sirf Adalati form bharkar de diya tab to ye Nikaah mun'aqd hi nahi hua,
⇛ Sirf kaagzi kaarwahi ke baad agar dono Miya Bivi ki haisiyat se zindgi guzaare to khaalis zina ke hukm me hoga, aur Aulaad bhi Haraam ki hogi,
⇛ Fuqha Ahnaaf ke yaha'n Hukm ye he k Baaliga ladki agar Walden ki ijazat ke bager gair kafu me Nikaah kare to ye Nikaah mun'aqd na hoga,
Aur agar Kafu me Nikaah kare, Digar Sharayat mukammal ho'n to Nikaah mun'aqd ho jayega, lekin shar'an ye tareeqa napasandida he aur Be hayaai samjha jata he,
Is zamane me Court Marriage amuman gair kafu me Shadi ke liye ye tareeqa akhtyar kiya jata he, lihaaza aam hukm Ahnaaf ke yaha bhi yahi he k uska Nikaah mun'aqd na hoga,
⇲ Next- 67 in sha Allah ta'aala,
Izdwaji Zindgi ke Shara'i Masail aur Unka Hal, 104
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-67} │
┯┯─═─═─═─═─═─═───╯
⇛ Shadi ke Moqa per Chhuwhara Fainkna Sunnat he,
▩•﹏•▩•﹏•▩•﹏•▩
✪ Nikaah ke Moqe per amuman chhunwhare taqseem karte he'n aur Fard Afraad haatho me dete he'n,
⇛ is bare me asal Sunnat tareeqa ye he k Majlise Nikaah me Shirkat karne walo me chhunwhare taqseem karne ki bajaye fainkkar diya jaye, Chhidka jaye,
Khairul Fatawa, 4/585
⇲ Next- 68, in sha Allah ta'aala,
Izdwaji Zindgi ke Shara'i Masail aur Unka Hal, 106
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-68} │
┯┯─═─═─═─═─═─═───╯
⇛ Mangni ki Shara'i haisiyat,
▩•﹏•▩•﹏•▩•﹏•▩
✪ Shar'an Mangni ki haisiyat ek Vaade ki he, Yani agar Mangni ki majlis me baqaada iyjaabo qubool na ho balki sirf Rishta tai hone ke baad aainda Nikaah ka Vaada ho to iski haisiyat vaade ki hui,
✪ Ab iska hukm ye he k jab tak koi maqool uzr pesh na aaye us vaade ko poora karna zaruri he,
✪ Albatta agar koi maqool uzr pesh aaye to Mangni todi bhi ja sakti he,
⇲ Next- 69 in sha Allah ta'aala,
Izdwaji Zindgi ke Shara'i Masail aur Unka Hal, 108
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-69} │
┯┯─═─═─═─═─═─═───╯
⇛ Mangni ki Rasm aur Dawat,
▩•﹏•▩•﹏•▩•﹏•▩
✪ Baaz ilaaqo me Mangni ne ek mustqil Rasm ki haisiyat akhtyar kar li, isme do taraf ke azeezo aqarib ke alawa milne julne walo aur mohalle walo ki ek badi tadaad ko bulayi jati he, is moqe per Dawat bhi hone lagi he, balki Waleema ki tarah Dawat hoti he,
✪ Khoob samajh Lena chahiye k Mangni ki haqeeqat sirf itni he k Dono taraf ke chand zimmedar hazraat Jama hokar Rishta tai kar le, Mahar, Shadi aur Rukhsati ki tareekh tai kar le,, is moqe ki munasbat se halki si ziyafat ho jaye to bhi koi harj nahi, iske liye baqaada Dawat ka ahatmam karna, isko sunnat qaraar dena bilkul galat he, Balki sunnat samajhkar esa karna Bid'at aur waajibul tark he,
✪ is baat ko malhooz rakha jaye k Shariyat ka mizaaj ye he k ese moqe per saadgi se kaam liya jaye, Takalluf se ijtnaab kiya jaye, to duniya aakhirat dono lihaaz se khushi naseeb hogi,
Fatawa Usmani, 2/232
⇲ Next- 70 in sha Allah ta'aala,
Izdwaji Zindgi ke Shara'i Masail aur Unka Hal, 109
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-70} │
┯┯─═─═─═─═─═─═───╯
⇛ Ek Jagah Mangni ke Baad Doosri Jagah Nikaah,
▩•﹏•▩•﹏•▩•﹏•▩
✪ Baaz jagah dastoor he k Mangni ke moqe per baqayda iyjaab v qubool ho jata he, ladka aur ladki nabalig ho to walid ya Dada, Chacha vagera se gawaho ke rubaru iyjaab v qubool karwa liya jata he,
✪ Esi soorat me is Majlis ka naam agarche Mangni ki hoti he, lekin jab Nikaah ke qasd se iyjaab v qubool ho gaya to Nikaah mun'aqd ho gaya, ab is Rishte ko toda nahi ja sakta,
✪ Jab tak ye Nikaah barqarar he doosri jagah Nikaah nahi ho sakta, Agar doosri jagah Nikaah kar diya to wo Nikaah baatil he, mu'aqd nahi hoga,
⇛ Agar Mangni ki Majlis me gawaho ke rubaru iyjaab v qubool nahi ho to ye Vaada Nikaah he, agar koi maqool uzr pesh aaye to Mangni tod kar doosri jagah Nikaah karna durust he,
⇲ Next- 71 in sha Allah ta'aala,
Izdwaji Zindgi ke Shara'i Masail aur Unka Hal, 110
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-71} │
┯┯─═─═─═─═─═─═───╯
⇛ Mangni ke Moqe per di hui Cheezo ki waapsi,
▩•﹏•▩•﹏•▩•﹏•▩
✪ Mangni ke moqe per Ladke walo ki taraf se Ladki ko kuchh samaan diya gaya, maslan Ghari, Anguthi aur digar saaz o samaan vagera, kuchh khane peene ka samaan, Baad me Ladki walo ne Rishte se inkaar kar diya,
✪ Esi soorat me Jo samaan mojood ho unko waapas liya ja sakta he aur Jo halaak ho chuke ho yo kha pi liya unki waapsi nahi ho sakti,
✪ Haa agar Ladki walo ne inkaar nahi kiya balki khud Ladke walo ne inkaar kar diya to kuchh bhi waapas nahi liya ja sakta,
⇲ Next- 72 in sha Allah ta'aala,
Izdwaji Zindgi ke Shara'i Masail aur Unka Hal, 110
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-73} │
┯┯─═─═─═─═─═─═───╯
⇛ Baraat ka Hukm,
▩•﹏•▩•﹏•▩•﹏•▩
✪ Baraat ka Maqsad Majlise Aqde Nikaah me logo ki shirkat ki dawat Dena he,
✪ Fi nafsa ye Baat Rasulullah Sallallahu Alaihivasallam ke Amal se saabit he, isliye Shara'i hudood me rehkar esa karna durust he,
✪ Albatta iska zyada ahatmam karna, Riya Namood aur Fakhro Guroor me mubtila hona, zarurat se zyada bada Majma bulane ki koshish karna, israaf se kaam Lena, ....ye saare umoor khilafe Shara he, inse bachna laazim he,
⇲ Next- 74 in sha Allah ta'aala,
Izdwaji Zindgi ke Shara'i Masail aur Unka Hal, 126
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-74} │
┯┯─═─═─═─═─═─═───╯
⇛ Mahar Khalis Aurat ka Haq He,
▩•﹏•▩•﹏•▩•﹏•▩
✪ Muqarrah Mahar Naqdi ki shakl me ho ya Sona chandi ya Jaaydad ki shakl me, Chahe Nikaah ke waqt Ada kar diya gaya ho ya Shohar ke zimme baqi ho .......Ye khalis Aurat ka haq he,
✪ Isme Aurat ko har tarah ke tasarruf ka mukammal akhtyar he .isme Ladke ke Walden, Azizo aqarib me se kisi ka koi haq nahi,
✪ Balki Shohar ko bhi akhtyar nahi k Aurat ki ijazat ke bager Mahar Farokht kare ya usme kisi tarah ka tasarruf kare,
⇲ Next- 75 in sha Allah ta'aala,
Izdwaji Zindgi ke Shara'i Masail aur Unka Hal, 126
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-75} │
┯┯─═─═─═─═─═─═───╯
⇛ Mahar Ki Adaygi Kab laazim he,
▩•﹏•▩•﹏•▩•﹏•▩
✪ Nikaah ke waqt tay shida Mahar ya Mahare Misl waajib ho jata he Jab Rukhsati hokar Miya Bivi tanhayi me ek doosre se mulaqaat karle, ya isse pehle hi kisi ek ka inteqal ho jaye, Dono hi soorto me Ye Mahar Ada karna laazim aur Mokada ho jata he,
✪ Aurat ko mutaalba karne ka poora poora haq ho jata he,
✪ Albatta agar Khilwate Sahih se pehle talaaq waq'a ho jaye to mukarrara Mahar ka adha hissa saaqit ho jayega aur aisi soorat me Mahar tay shuda na ho tab ab Mahar laazim nahi hoga, Albatta darmiyana darje ka ek Joda laazim hoga,
⇲ Next- 76 in sha Allah ta'aala,
Izdwaji Zindgi ke Shara'i Masail aur Unka Hal, 134
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-76} │
┯┯─═─═─═─═─═─═───╯
⇛ Mahar ki Kam se Kam Miqdaar,
▩•﹏•▩•﹏•▩•﹏•▩
✪ Shariyat e Mutahara ne Nikaah ke liye Mahar ko zaruri qaraar Diya he, iski kam se kam Miqdaar Fuqha e Ahnaaf ke nazdeek 10 Dirham Chaandi ya iski qeemat he
✪ 10 Dirham Chaandi ka Vazan : -
1 Dirham Chandi = 3.402 Gram,
10 Dirham Chaandi = 3.402 × 10
= 34.020 Gram Chaandi,
⇨Taqriban 3 Tola chandi,
⇲ Next- 77 in sha Allah ta'aala,
Izdwaji Zindgi ke Shara'i Masail aur Unka Hal, 135
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-77} │
┯┯─═─═─═─═─═─═───╯
⇛ Mahar ki Zyada Miqdaar Kitni ?
▩•﹏•▩•﹏•▩•﹏•▩
✪ Shariyate Mutahara ne Mahar ki miqdaar mutayyan karke waajib qaraar nahi diya k har Mard ko Shadi ke waqt itna Mahar Ada karna har soorat me laazim he,
✪ Aur iski zyada se zyada Miqdaar ki bhi koi had muqarrar nahi ki gayi he, balki ise Shohar ki haisiyat aur iateta'at par moqoof rakha he, K Jo shakhs jis qadar Mahar dene ki isteta'at rakhta ho usi qadar muqarrar kare,
✪ Albatta Mahar ki kam se kam had zaroor muqarrar ki gayi he take koi Shakhs isse kam Mahar na baandhe, Chunache Hanfiya ke Maslak me kam se kam Miqdaar 10 Dirham he,
⇲ Next- 78 in sha Allah ta'aala,
Izdwaji Zindgi ke Shara'i Masail aur Unka Hal, 135
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-78} │
┯┯─═─═─═─═─═─═───╯
⇛ Bhari Mahar ki Muman'at,
▩•﹏•▩•﹏•▩•﹏•▩
✪ Albatta bahut zyada Mahar muqarrar karna Shar'an pasandida baat nahi he,
✪ Chunache Rasulullah Sallallahu Alaihivasallam ki Azwaje Mutaharat neez Banate Taiyyabaat ke liye Jo Mahar Muqarrar hua he wo nihayat Mo'atdal aur munasib he, Aaj ke halaat me isi par amal kiya jaye to behtar he,
✪ Hazrat Umar bin Khattab Raziyallahu Anhu ke bare me mankool he k unhone farmaya,
" Khabardar Aurto'n ka bhari Mahar na baandho, agar bhari Mahar baandhna duniya me buZurgi aur azmat ka sabab aur Allah ta'ala ke nazdeek taqwe ka mojib hota to yaqeenan Nabi kareem Sallallahu Alaihivasallam iske zyada mustahiq the, ( Aap Sallallahu Alaihivasallam bhari se bhari Mahar baandhte ),
Magar me nahi jaanta k Rasulullah Sallallahu Alaihivasallam ne 12 auqiya chandi se zyada Mahar par apni Azwaaj Mutaharat se Nikaah kiya ho, Ya isse zyada Mahar par apni Sahabzadiyo ka Nikaah karaya ho: "
Ahmad, Tirmizi, Abu Daoud, ibne maaja,,Nasa'i,
⇲ Next- 79 in sha Allah ta'aala,
Izdwaji Zindgi ke Shara'i Masail aur Unka Hal, 135
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-79} │
┯┯─═─═─═─═─═─═───╯
⇛ Kam Mahar wali Aurat Ba Barkat he,
▩•﹏•▩•﹏•▩•﹏•▩
✪ Hazrat Aayesha Raziyallahu Anha se marvi he k Rasulullah Sallallahu Alaihivasallam ne farmaya k,
Ba barkat Aurat wo he k Jiska kharcha kam ho,
Iski sharah me Mulla Ali Qari Rh ne farmaya,
" Us Aurat ka Mahar kam ho aur wo Aurat qana'at pasand ho, Jiski vajah se zyada kamane ke liye shohar ko pareshani na uthana padti ho, Qana'at ek laazim daulat he, "
Mirkaat Sharah Mishkaat, 6/270
✪ Khulasa Kalaam ye he k is Hadees me Aurat ka Mahar kam hone ko qabile tareef qaraar diya he, isi par Amal hona chahiye,
⇲ Next- 80 in sha Allah ta'aala,
Izdwaji Zindgi ke Shara'i Masail aur Unka Hal, 136
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-80} │
┯┯─═─═─═─═─═─═───╯
⇛ Mahar Faatmi ki Tafseel,
▩•﹏•▩•﹏•▩•﹏•▩
✪ Mahar Faatmi se murad Mahar ki wo miqdaar he Jo Hazrat Fatima Raziyallahu Anha ke liye Tay Hui thi, isliye isko Mahar Faatmi kaha jata he,
✪ Nikaah me Mahar Faatmi muqarrar karna Shar'an zaruri nahi, isse kam ya zyada muqarrar kiya ja sakta he,
✪ Kyuki khulfa e Rashedeen aur Sahaba ikraam ne Mahar Faatmi se zyada muqarrar karna saabit he aur kam muqarrar karna bhi saabit he,
⇨ Hazrat Fatima Raziyallahu Anha ke Mahar ki miqdaar Kya thi, isme Sahi Rivayat ke mutabik iski miqdaar 480 Dirham ya 1632 Gram bhi keh sakte he'n,
To is lihaaz se 1632 Gram taqriban 140 Tola hua,
Ahsanul fatawa, 17/5,
Hazrat Mufti Shafi Sahab Rh ki tehqeeq ke mutabik 131 Tola 3 masha Chandi,
Hashiya Bahisti zever,
⇲ Next- 81 in sha Allah ta'aala,
Izdwaji Zindgi ke Shara'i Masail aur Unka Hal, 136
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-82} │
┯┯─═─═─═─═─═─═───╯
⇛ Mahar Maaf karwana - Kist -2 .
▩•﹏•▩•﹏•▩•﹏•▩
✪ Aur ye bhi yaad rahe k zabardasti maaf karwana ye dar haqeeqat maafi nahi balki ek tarah ka gasab he k zabardasti Aurat ke haq per qabza kar liya,
✪ Shar'an isko maaf karna bhi nahi kaha ja sakta isse Shohar ka zimma faarig na hoga, Zindgi me Ada karna laazim rahega, Agar zindgi me Ada nahi kiya to Marne ke baad unke tarke se Mahar ka qarz vasool karke Bivi ke hawale kiya jayega,
⇲ Next- 83 in sha Allah ta'aala,
Izdwaji Zindgi ke Shara'i Masail aur Unka Hal, 137
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-83} │
┯┯─═─═─═─═─═─═───╯
⇛ Shohar ko Mahar Hadiya karna,
▩•﹏•▩•﹏•▩•﹏•▩
✪ Aurat Bager kisi Jabro Karah ke apni razamandi v ragbat se Mahar ka kuchh hissa ya Kul Mahar Shohar ko Hadiya kar de, Ye Shohar ke liye halaal he,
✪ Surah An-Nisa, Aayat- 4:
وَآتُوا النِّسَاءَ صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ
✪ Tum log Biviyo ko unke Mahar khushdili se de diya Karo, Agar wo Biviya'n khushdili se chhod de tumko us Mahar me koi Jabro ( aur yahi hukm kul ka bhi he ) to ( is haalat me ) tum usko khao ( kaam me lo ) mazedar khushfawar samajhkar,
⇲ Next- 84 in sha Allah ta'aala,
Izdwaji Zindgi ke Shara'i Masail aur Unka Hal, 140
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-84} │
┯┯─═─═─═─═─═─═───╯
⇛ Mahar e Misl,
▩•﹏•▩•﹏•▩•﹏•▩
✪ Mahar e Misl ka matlab ye he k Aurat ke Baap ke gharane me se Jo Aurat uske misl ( Barabar ki ) ho,
✪ Yani agar ye kam umar he to wo bhi Nikaah ke waqt kam umar ho, agar ye khoobsurat he to wo bhi khoobsurat ho, Jis ilaaqe ki ye rehne wali he usi ilaaqe ki wo bhi ho, Agar ye Deendar hoshiyar ya saliqamand, Padhi likhi he to wo bhi esi hi ho,
✪ Garz Walid ke khandan me Jo Aurate'n in baato me uski tarah thi, unka Jo Mahar Tay hua tha wohi uska Mahar e Misl he,
-- Baap ke gharane ki Aurto'n se muraad uski Fufi, Chachazad Behne vagera he,
⇲ Next- 85 in sha Allah ta'aala,
Izdwaji Zindgi ke Shara'i Masail aur Unka Hal, 141
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-85} │
┯┯─═─═─═─═─═─═───╯
⇛ Jahez ki Shara'i Haisiyat,
▩•﹏•▩•﹏•▩•﹏•▩
✪ Baap ka apni Beti ko Nikaah ke waqt Jahez Dena Sunnate Nabvi Sallallahu Alaihivasallam he, Chunache Rasoolullah Sallallahu Alaihivasallam ne apni Sahabzadi Hazrat Fatima Raziyallahu Anha ko Shadi ke waqt Jahez diya tha,
✪ Albatta isme iska itna ahatmam karna munasib nahi k jisse pareshani ho aur Qarz ka bada bojh ho jaye,
✪ Baqi apni haisiyat ke muwafiq, Riyakaari, Shohrat pasandi se bachte hue kuchh zaruri samaan de diya jaye to isse Sunnat Ada ho jayegi, Lekin Aaj ke daur me Sunnat se nikal kar ye azaab ban gaya he, isme a'atdaal ki raah apnana behat zaruri he,
⇲ Next- 86 in sha Allah ta'aala,
Izdwaji Zindgi ke Shara'i Masail aur Unka Hal, 144
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-86} │
┯┯─═─═─═─═─═─═───╯
⇛ Samaane Jahez Ladki ki Milk he,
▩•﹏•▩•﹏•▩•﹏•▩
✪ Nikaah v Rukhsati ke waqt Jo samaan, Bartan, Furniture, Libaas v digar cheeze Walden ki taraf se Ladki ko diya jata he wo ladki ki milk he, Walden ke liye usko wapas Lena jaa'iz nahi,
✪ Neez Talaaq vagera ke zariye Judai ki soorat me Shohar ya uske ghar walo ka ladki ke maal per qabza kar Lena bhi jaa'iz nahi balki saara samaan wapas karna zaruri he,
✪ Albatta khula ki soorat me agar kisi maal ko khula ka avaz thehraya gaya to wo Shohar rakh sakta he,
⇲ Next- 87 in sha Allah ta'aala,
Izdwaji Zindgi ke Shara'i Masail aur Unka Hal, 144
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-87} │
┯┯─═─═─═─═─═─═───╯
⇛ Damaad ka Sasural walo se Jahez ka Mutalba Be- gairati he,
▩•﹏•▩•﹏•▩•﹏•▩
✪ Baaz log ladki walo se samaane Jahez ka mutalba ( demand) karte he'n,
✪ Maslan - Gaadi, ghadi, libaas, poshak vagera fala cheeze hone wale Damaad ko dena hoga varna hum ladki qubool nahi karenge", is tarah kisi cheez ka mutalba karna Shar'an jaa'iz nahi, Ye nadaani, Be-gairati, Be-sharmi ki baat he,
✪ Damaad per Sasural walo ka is tarah koi haq nahi k unse makhsoos samaan ka mutalba kare,
⇨Isi tarah isko rivaaj qaraar dena k log mutalbe ke bager dene per majboor ho jaye, ye bhi galat he, lihaza isse ijtnaab karna laazim he,
⇲ Next- 88 in sha Allah ta'aala,
Izdwaji Zindgi ke Shara'i Masail aur Unka Hal, 145
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-88} │
┯┯─═─═─═─═─═─═───╯
⇛ Jahez ka Shara'i Masla, ( Zaroor Padhiye )- 1,
▩•﹏•▩•﹏•▩•﹏•▩
✪ Aam tor per Jahez itna dete he'n k uski Maaliyat se Hajj kiya ja sakta he, isliye agar Jahez ka poora samaan ladki ki Milk me de diya jaye aur Hajj ke form bhare Jane ke waqt me bhi ladki ki milk me ho to foran usi saal uske liye Hajj per jana Farz ho jayega,
✪ Ab ye Walden ki zimmedari he k use Hajj karwaye,
✪ Us per Hajj pehle saal hi me Jana Farz ho jata he, agar ye khayal kare k doosre saal jayenge ya baad me kabhi chale jayenge to Pehli baat to ye he k Kya maloom doosre saal tak zinda bhi rahe ya nahi,
⇨Aur agar doosre saal tak zinda reh gaye aur Hajj bhi kar liya to bhi takheer ( late ) karne ka gunaah hoga, Hajj ka farz to Ada ho jayega magar Takheer karne ka gunaah bhi zimme rahega k Kyu der ki ?
⇨◇Jo Walden Aulad per Hajj Farz kar dete he'n magar Hajj karwane ka intezam nahi karte wo Mujrim thehrenge,
----- Baqi agle Part me,
⇲ Next- 89 in sha Allah ta'aala,
Izdwaji Zindgi ke Shara'i Masail aur Unka Hal, 147
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-89} │
┯┯─═─═─═─═─═─═───╯
⇛ Jahez ka Shara'i Masla ( Zaroor Padhiye ) -2
▩•﹏•▩•﹏•▩•﹏•▩
✪ Agar ladki ko Maalik.nahi banaya aur bahut bade bade samaan Jahez ke liye Jama kar liye aur esa hoshiyar walid agar mar gaya to saara maal Vaariso me taqseem hoga,
✪ Ladkiyo'n ko sirf utna hi.milega jitna Shariyat ki taraf se viraasat me uska haq he, Poora maal to hargiz nahi milega chahe unki waalid vasiyat kar jaye k ye Jahez un ladkiyo'n ka he, Esi Tehreee likhkar registration karwale, hazaaro gawah banale, Kuchh bhi karle baharhal ladkiyo'n ko utna hi hissa milega jitna Shariyat ne muqarrar kiya he,
✪ Vaaris ke haq me Vasiyat motabar nahi, Jara sochiye k Ladki ke liye itna kuchh jama karne ka kya faayda ? Esi himakat kyu ?
Is soorat me Jahez ke liye rakhe Sone Chandi ki zakaat bhi Farz he,
⇲ Next- 90 in sha Allah ta'aala,
Izdwaji Zindgi ke Shara'i Masail aur Unka Hal, 147
❁❈❁
BISMILLAHIRRAHMANIRRAHEEM
┄ ┅ ━══════════════━ ┅ ┄
╭┉─════─┉─════─┉╯
│ NIKAAH KE MASAIL
╰┉─════─┉─════─┉┉╮
{ PART-90} │
┯┯─═─═─═─═─═─═───╯
⇛ Kya Jahez dena Muhabbat he ?
▩•﹏•▩•﹏•▩•﹏•▩
✪ Agar muhabbat ki vajah se Jahez de rahe he'n to zara gor karle, Betiyo'n ko Jaaydad me kyu shareek nahi karte ? Apni tijarat me, Karkhano me, Makaano me, Zara'i zameen me se kuchh hissa Kyu nahi dete ?
✪ Agar ( in tamaam ) cheezo me se kuchh hissa de apne saath shareek kar le to isme Beti ka faayda he,
✪ Lekin log esa nahi karte balki unki koshish ye hoti he k Beti ko Jaaydad me shareek na kare, Jaaydad sirf Beto'n ki rahe,
Daave muhabbat ke aur Koshish ye k Jaaydad me se Beti ko kuchh na mile,
⇲ Next- 91 in sha Allah ta'aala,
Izdwaji Zindgi ke Shara'i Masail aur Unka Hal, 154
✿ ▣ TALIBE DUA▣
▍▍✧Ahle deoband✧
▔▔▔▔▔▔▔▔▔▔▔▔▔▔▔▔▔
